#eTwinning #Ознака #Успех #Градинка
Со гордост споделуваме прекрасна вест за нашата градинка ОЈУДГ „7 Септември“ Пехчево, која по втор пат ја добива престижната ознака eTwinning School 2025 – 2026, како признание за успешното учество и вложениот труд во европски образовни проекти.
Со оваа награда ја потврдуваме:
-Нашата отвореност кон европските образовни вредности и постигнување на високите стандарди во воспитно-образовниот процес;
-Тимската работа и посветеноста на воспитувачите како и успешната соработка со европски партнери;
-Креативните активности и примената на иновативни и современи методи на работа;
-Развивањето на дигитални компетенции и промовирање на европски вредности.
Наградата е резултат на заедничка посветеност, професионализам и тимска работа на воспитувачите и вработените, како и поддршката од родителите и заедницата.
Ова признание не е само наша гордост, туку и обврска за понатамошно унапредување на квалитетот на воспитно-образовниот процес.