Дејност на дневна социјална заштита на деца

   ОЈУДГ„7 Септември“ – Пехчево организира и спроведува програми за нега, згрижување, воспитување, образување и исхрана на децата. Раното учење и развој се одвива во согласност со развојните особини и потребите на децата, како и социјалните, културните и други потреби на родителите, врз основа на Стандарди за рано учење и развој на децата од 9 месеци до 6 години, исто и од 6-10 години.

Целокупните воспитно-образовни активности во предучилишното воспитание се насочени кон почитување и задоволување на потребите, интересите и можностите на секое дете.

Развојот претставува процес на промена, кој настанува како резултат на почитување на индивидуалните карактеристики на детето, следење на неговите внатрешни сили и природниот развој во кој детето ги зголемува и ги зајакнува вештините за движење, размислување, чувствување, зборување.

Холистичкиот пристап, на кој се базира развојот и учењето на детето од предучилишна возраст се однесува на обезбедување на безбедна и сигурна околина за учење и развој, зајакнување на развојната подготвеност за училиште, како и формирање на правилни навики за заштита на здравјето на детето.

Мисија:

7 –ката добивка е наша

Секое дете добива

Емоционална сигурност

Партнерски однос со родителите градиме

Темел на здрава и квалитетна иднина

Едукација на сите нас

Многу игри, песни и доживувања

Воспитуваме, негуваме, образуваме

Различностите ги прифаќаме

И креативност и современи трендови почитуваме, со тоа слобода во изразување поттикнуваме.

Визија:

Прифаќање на курикулумот – Европска рамка за квалитет во Предучилишното Образование Воспитание и Згрижување. Спроведување на педагошки цели, вредности и пристапи кои им овозможуваат на децата да го постигнат својот целосен потенцијал преку поттикнување на нивниот социјален, емоционален, когнитивен и физички развој и нивната благосостојба. Спроведување на принципите на усовршување на Раниот детски развој како основа на нашиот професионален успех. Градење партнерски однос со родителите,локалната самоуправа и пошироката заедница

1. ЛИЧНА КАРТА НА УСТАНОВАТА

ИСТОРИЈАТ

Установата се наоѓа на улица:„Даме Груев“ бр.3, како организацијата за згрижување и воспитание на деца– започнува со работа  во1977 година, основана како Работна Организација чија главна цел било згрижување на деца од предучилишна возраст.

                        За организирање на воспитанието и образованието на децата од предучилишна возраст и за остварување на општите цели на                                       воспитанието и образованието од 15.03.1982 год. од страна на        Општинската Самоуправна Заедница (ОСЗ)- Берово, организацијата е основана како Комбинирана Детска Установа “7                          Септември”- Пехчево. Потоа добива нов назив Општинска Јавна                           Установа за деца Детска градинка “7 Септември”,  или кратенка ОЈУДГ “7 Септември”,        бидејќи на 25.01.2006 год. го променува основачот , а    тоа е Општина Пехчево. 

  Нашиот град Пехчево припаѓа во Источно планскиот регион, со околу 4000 жители, од кои поголем дел се во градот, а останатите се населени во  5 села: Чифлик, Умлена, Робово, Црник и Панчарево. Во регионот граничиме со две соседни општини Берово, со оддалеченост од 10км и Делчево – 30км. Доминантна дејност на населението е дрвната индустрија, сточарство, земјоделство и локален туризам. Значајни историски места се: локалитет Св.„Петка“, „Вртена скала“. Значајно за унапредување на образованието е постоењето и работењето на Едукативниот центар за зачувување на природата, во с.Негрево, во чиј склоп е и Патеката на Петко, преку која се стигнува до Јудови Ливади каде се наоѓа ендемското инсектојадно растение „Муволовка“ (Drosera Rotundifolia). 

Во близина на Градинката се наоѓа Основното училиште „Ванчо Китанов“ и дисперзирани паралелки од Гимназијата „Ацо Русковски“ Берово.

МЕСТОПОЛОЖБА– Својата дејност ОЈУДГ “7 Септември” до денес ја остварува на улица Даме Груев, број 3 во еден објект, но и во други просторни улови во населените места Робово, Чифлик, Панчарево и Црник.

                        Телефон 033/441-331

                        Фах 033/441-331

                       Емаил: detskagradinkapehcevo@yahoo.com

Објектот е наменски изграден и е со вкупна површина 2389 m², а со капацитет од 93 деца. Дворната површина е озеленета и хортикултурно уредена, со цветни алеи и патеки, како и слободен простор за игра на децата, богат со детска опрема и играчки  (лулашки, клацкалки). Во институцијата редовно вработени се 28 лица. Со запишани 96 деца  во 2021/22, за 2022/23 се предвидува да се запишат уште 10 деца.

ЗАЛОЖБИ НА ГРАДИНКАТА-

Реализираме воспитно-образовна дејност

Активности во современи услови

Борба со сите предизвици

Организираност во сите сегменти

Тимска работа

Ангажираност на родителите